नागणसूर येथे लिंगैक्य बसवलिंगेश्वर महास्वामीजी यांच्या 90 व्या पुण्यस्मरण दिनानिमित्त विविध कार्यक्रमांचे आयोजन.
नागणसूर येथे लिंगैक्य बसवलिंगेश्वर महास्वामीजी यांच्या 90 व्या पुण्यस्मरण दिनानिमित्त विविध कार्यक्रमांचे आयोजन.
सातारा, दि.11 - रविंद्र वाकडे.
अक्कलकोट तालुक्यातील नागणसूर येथील ग्रामदैवत व महाराष्ट्राच्या मंठस्थ नागणसूरचे नंदादिप परमपूज्य बसवलिंगेश्वर महास्वामीजी यांच्या 90 व्या पुण्यस्मरण दिनानिमित्त दि 7,8 व 9 ऑक्टोबर रोजी विविध कार्यक्रमांचे आयोजन करण्यात आले होते.
या 90 व्या पुण्यतिथीच्या निमित्ताने हे मठ संस्थान व श्री स्वामीजींचे जीवन कार्य या विषयीची अधिक माहिती प्रसारित करण्यासाठी https://basavalingeshwar.com वेबसाईटचे उद्घाटन दि.8 रोजी नुकतेच करण्यात आले आहे.
नागणसूर विरक्त मठाचे अधिपती परमपूज्य डॉ.अभिनय बसवलिंग महास्वामीजी यांच्या मार्गदर्शनाखाली या कार्यक्रमाचे आयोजन करण्यात आले होते.
त्या प्रमाणे 11 हजार सुवासिनींची ओटी भरणे,7000 जंगम गणाराधना विधी,सामूहिक विवाह समारंभ आयोजन व एक लाख एक हजार भक्तांना पुरणपोळीचा महाप्रसाद अन्नदान कार्यक्रम पार पाडण्यात आला.
या कार्यक्रमात दि.8 रोजी पहाटे 6 वा.श्री शिवलिंगास महारुद्रा भिषेक करण्यात आला.तसेच स.9 वा. षटस्थळ ध्वजारोहण करण्यात आले. स.11 वा.एकूण अकरा हजार सुवासिनींचा ओटी भरण कार्यक्रम पूर्ण करण्यात आला.या नंतर सात हजार जंगम गणाराधना पूजा विधी पार पाडण्यात आला.या नंतर कर्नाटक,महाराष्ट्र,आंध्रप्रदेश सह देशातील कानाकोपऱ्यातून असलेल्या सद्भभक्ताना एक लाख,एक हजार पुरणपोळी व तूप अशा महाप्रसादाचे अन्नदान वाटप करण्यात आले.दुपारी चार वाजता नवागत वधू - वरांचा सामुदायिक विवाह सोहळा पार पाडण्यात आला.
दि.9 ऑक्टोबर रोजी सायंकाळी पाच वाजता श्री बसवलिंग महास्वामीजींच्या प्रतिमेची व धर्मग्रंथाची मिरवणूक गावातील प्रमुख मार्गावरून काढण्यात आली.या मिरवणुकीत अनेक सांस्कृतिक कार्यक्रम सादर करण्यात आले.त्याच बरोबर लेझिम, टिपरी,झांज, भजन यांचे सादरीकरण अनेक सांस्कृतिक मंडळाकडून करण्यात आले. सर्व भक्तांना सलग दोन दिवस अन्नदान महाप्रसादाचे वाटप करण्यात आले. व कार्यक्रमाची सांगता करण्यात आली.
हे मठ संस्थान मु.पो.नागणसूर , ता.अक्कलकोट, जि.सोलापूर येथे असून,त्यास श्री बसवलिंगेश्र्ववर समाधी मठ संस्थान उर्फ 'तुप्पीन मठ ' असे संबोधले जाते.या आश्रम संस्थानला पूर्व व दक्षिण दिशा असे दोन मोठे प्रवेशद्वार असून,या संस्थांनचे मूळ अधिपती श्री. प. पू.बसवलिंगेश्वर स्वामी महाराज यांनी आपल्या अमोघ वाणीने व समुपदेशक मार्गदर्शनाने येथील जनतेच्या जीवनात आमूलाग्र सारासार विचारसरणी व विवेकवाद रुजवला.
हे एक स्वयंभू व जागृत मठ संस्थान असून त्यास ' गद्दुगे मठ ' असे पण म्हटले जाते.हे मठ संस्थान उच्च प्रतीचे लाकूड व मार्बल फरशी दगड यापासून बनवले गेलेे असून ,आतमध्ये श्री स्वामीजींचे जीवन चरित्र दर्शन घडवणारे ' मुख दर्शन ' नावाचे चित्र प्रदर्शन करण्यात आले आहे.श्री.स्वामीजी हे स्वतः बल उपासक होते.रोज पहाटे व्यायाम करून त्यांनी आपली शरीरयष्टी मजबूत बलदंड बनवून आरोग्य साधनेचे महत्त्व पुढील पिढीला पटवून दिले होते. व या पवित्र मठसंस्थानला नावलौकिक प्राप्त करून दिला.त्यामुळे त्यांना ' पैलवान योगी ' असे पण म्हटले जायचे.
त्याचा लाभ सर्वांनी घ्यावा व गुरुकृपेेस पात्र व्हावे.असे आवाहन डॉ.अभिनव बसवलिंग महास्वामिजी यांनी सर्व भाविक भक्तांना केले आहे.
सदरचा पुण्यतिथी कार्यक्रम यशस्वी करण्यासाठी मौजे नागण सूर येथील स्थानिक रहिवाशी व सार्वजनिक मंडळे यांनी अथक परिश्रम घेतले.