महात्मा बसवेश्वर यांचे कार्य समाजासाठी प्रेरणादायी.डॉ.श्यामसुंदर झळके

 महात्मा बसवेश्वर यांचे कार्य समाजासाठी  प्रेरणादायी.डॉ.श्यामसुंदर झळके

महात्मा बसवेश्वर यांचे कार्य समाजासाठी  प्रेरणादायी.डॉ.श्यामसुंदर झळके

                                                        

सिन्नर दि ;- २२  प्रतिनिधी 

 बाराव्या शतकात महात्मा बसवेश्वर यांनी समाजातील विषमता,अंधश्रध्दा,अस्पृश्यता ,जातीभेद नष्ट करण्यासाठी मोठा लढा दिला.त्यांचे विचार आजही समाजासाठी प्रेरणादायी असल्याचे प्रतिपादन सामाजिक कार्यकर्ते तसेच सावित्रीबाई फुले पुणे विद्यापीठ,बहि:षाल शिक्षण मंडळाचे व्याख्याते डॉ.श्यामसुंदर झळके यांनी केले. विजयनगर येथील महात्मा बसवेश्वर चौकात आयोजित कार्यक्रमात ते बोलत होते.महात्मा बसवेश्वरांनी स्वातंत्र्य,बंधुता,न्याय व समतेची शिकवण दिली. विजयनगर मित्र मंडळ,अंधश्रध्दा निर्मूलन समिती, शिवजन्मोत्सव समिती,सिन्नर तालुका वीरशैव लिंगायत सामाजिक संघटना, माजी सैनिक संघटना , बारा बलुतेदार संघटना यांच्यावतीने 

 महात्मा बसवेश्वर यांच्या प्रतिमेचे पूजन करून अभिवादन करण्यात आले.यावेळी महामित्र दत्ता वायचळे यांनी महात्मा बसवेश्वर यांचे विचार आजच्या तरुण पिढीला दिशादर्शक आहे तर अंधश्रध्दा निर्मूलन समितीचे अध्यक्ष हरिभाऊ तांबे यांनी महात्मा बसवेश्वर यांनी समतेचा विचार सांगून लोकशाहीचा पाया रचला.आंतरजातीय विवाहास त्यांनी प्रोत्साहन दिले असे सांगितले. सामाजिक कार्यकर्ते डॉ.मनोहर दोडके यांनी महात्मा बसवेश्वर यांच्या सामाजिक क्रांतीची माहिती दिली. सिन्नर पोलीस ठाण्याचे पोलिस निरीक्षक राजेंद्र कुटे,अंकुश दराडे यांनी महात्मा बसवेश्वर यांना अभिवादन केले यावेळी महात्मा बसवेश्वर जयंती उत्सव समितीचे अध्यक्ष डॉ.विजय लोहारकर,उपाध्यक्ष मुकुंद वाळेकर, संघटक विजय आश्टुरे,सचिव संतोष वाळेकर,राहुल घोंगाणे,मंगेश वाळेकर,आशुतोष घोंगाणे,विजय गवंडर,मधुकर सोनवणे,विनायक सूर्यवंशी,मिलिंद जाधव,अंधश्रध्दा निर्मूलन समितीचे बाबासाहेब कलकत्ते, शिवजन्मोत्सव समिती चे अध्यक्ष पांडुरंग वारुंगसे आदि उपस्थित होते.

वीरशैव इंटरनॅशनल असोसिएशन तर्फे भव्य क्रिकेट स्पर्धांचे आयोजन.

 वीरशैव इंटरनॅशनल असोसिएशन  तर्फे भव्य क्रिकेट स्पर्धांचे आयोजन.

वीरशैव इंटरनॅशनल असोसिएशन  तर्फे भव्य क्रिकेट स्पर्धांचे आयोजन.

सातारा, दि.20 - रविंद्र वाकडे.

वीरशैव इंटरनॅशनल असोसिएशन  तर्फे भव्य क्रिकेट स्पर्धांचे आयोजन.लिंगायत समाजाच्या इतिहासात प्रथमच भव्य दिव्य राज्यस्तरीय क्रिकेट लीग स्पर्धा अर्थात  वीरशैव इंटरनॅशनल असोसिएशन लिंगायत प्रिमीयर लीग स्पर्धांचे आयोजन करण्यात येणार आहे. यामध्ये वीरशैव इंटरनॅशनल असोसिएशनच्या वतीने समाजातील तरुणांच्या खेळातील कौशल्याला नवा आयाम देण्यासाठी समाजाच्या इतिहासात प्रथमच राज्यस्तरीय क्रिकेट लीग स्पर्धा आयोजित करण्यात येणार आहेत, 

या स्पर्धेच्या माध्यमातून भरघोस बक्षिसे,खेळाचे लाईव्ह प्रक्षेपण, महाराष्ट्रस्तरीय लिंगायत खेळाडू एकाच व्यासपीठावर आणण्याचे प्रयोजन आहे.अशा या भव्यदिव्य व ऐतिहासिक लीग ची सर्व माहिती क्रिकेट प्लेअर, क्रिकेट प्रेमी समाजबांधवांना लवकरच कळविण्यात येईल .असे नुकतेच वीरशैव इंटरनॅशनल असोसिएशन व लिंगायत संघर्ष समिती महाराष्ट्र यांच्या वतीने जाहीर करण्यात आले आहे.याबाबत अधिक माहितीसाठी संपर्क क्रमांक :- 7020572626,9011177773  वर संपर्क साधण्याचे आवाहन आयोजकांनी केले आहे.

बसवेश्वर जयंती निमित्ताने लिंगायत मठ ते तहसीलदार कार्यालया पर्यंत भव्य रॅली आणि तहसीलदार कार्यालयात येथे महात्मा बसवेश्वर यांच्या प्रतिमेचे पूजन.व विविध कार्यक्रमाचे आयोजन

 बसवेश्वर जयंती निमित्ताने  लिंगायत मठ ते तहसीलदार कार्यालया पर्यंत भव्य रॅली आणि तहसीलदार कार्यालयात येथे महात्मा बसवेश्वर यांच्या प्रतिमेचे पूजन.व विविध कार्यक्रमाचे आयोजन

बसवेश्वर जयंती निमित्ताने  लिंगायत मठ ते तहसीलदार कार्यालया पर्यंत भव्य रॅली आणि तहसीलदार कार्यालयात येथे महात्मा बसवेश्वर यांच्या प्रतिमेचे पूजन.व विविध कार्यक्रमाचे आयोजन

कराड दि , दि.20 - रविंद्र वाकडे .

बसवेश्वर जयंती निमित्ताने  लिंगायत मठ ते तहसीलदार कार्यालया पर्यंत भव्य रॅली आणि तहसीलदार कार्यालयात येथे महात्मा बसवेश्वर यांच्या प्रतिमेचे पूजन.व विविध कार्यक्रमाचे आयोजन

तसेच रविवार दि.23 रोजी लिंगायत मठ येथे मोफत आरोग्य तपासणी शिबिर आयोजित करण्यात आले आहे .बसवेश्वर जयंती निमित्ताने कराड येथे लिंगायत समाजातील डॉ यांच्या वतीने सर्व रोग निदान मोफत तपासणी शिबीर ,रक्तामधील साखर हिमोग्लोबिन तपासणी सौजन्य डॉ. लाल पँथ लॅब कराड, येथील वीरशैव लिंगायत समाजातर्फे शनिवार, दि.22.04.2023 रोजी लिंगायत मठ संस्था,106 ,रविवार पेठ,कराड येथे म.बसवेश्वर जयंती आयोजित करण्यात आली आहे.

या निमित्त स.9.30 वा.लिंगायत मठ ते तहसील कार्यालय पर्यंत  म.बसवेश्वर भव्य दुचाकी रॅली आयोजित करण्यात आली आहे. स.11 ते 12 वीरशैव भजनी मंडळ,कराड यांचे भजन व दु.12.15 वा. म.बसवेश्वर यांचा जन्मकाळ होणार आहे.

.यामध्ये डॉ.चंद्रकांत कोरे,(कान ,नाक, घसा तज्ञ),  (डॉ.शिवप्रसाद राजमाने) स्त्री रोग तज्ञ, (डॉ.विनायक चिंचकर) मूळव्याध तज्ञ,  (डॉ.महेश उमरदंड )बालरोग तज्ञ, (डॉ.चन्नाप्पा महाज )आर्थोपेडीक सर्जन, 

 ( डॉ. प्रथमेश लोखंडे)  दंतरोग तज्ञ,  (डॉ.श्रद्धा पाटील )एम. डी. होमिओपॅथिक, (डॉ.अभिजित नष्टे ) हृदयरोग व मधुमेह तज्ञ,(डॉ. राहूल फासे) नेत्ररोग तज्ञ हे रुग्णांची तपासणी करणार आहेत.

सोमवार दि.24 रोजी दु.4.30 ते 7.30 म.बसवेश्वर यांच्या प्रतिमेची भव्य मिरवणूक,रात्री 7.30 ते 8.30 या वेळेत श्री.दिलीप पाटील यांचे म.बसवेश्वर यांच्या जीवनकार्यावरील व्याख्यान होणार आहे तरी सर्व समाज बांधवांनी आपले दैनंदिन व्यवहार या काळात पूर्ण बंद ठेवून कार्यक्रमात सहभागी होण्याचे आवाहन करण्यात आले आहे.

या वेळी पायी नर्मदा परिक्रमा पूर्ण केल्याबद्दल श्री.अनीलशेठ खुंटाळे.झाल्याबद्दल चि. डॉ. अथर्व उदय हिंगमिरे,(एम.बी. बी.एस) व कु. डॉ. ऋतुजा राजीव खलीपे (बी.एच.एम.एस.)झाल्याबद्दल यांचा विशेष सत्कार करण्यात येणार आहे.

रात्री 8.३०  वा.पासून श्री.चंद्रशेखर नागाप्पा नकाते,कराड यांचे तर्फे महाप्रसादाचे आयोजन करण्यात आले आहे.

मंगळवार दि.28 रोजी सर्व समाज बंधू - भगिनींसाठी विविध गुणदर्शन कार्यक्रमाचे आयोजन करण्यात आले आहे.याबाबत अधिक संपर्क सौ.अर्चना मुंढेकर,9834750061 व सौ.स्नेहा तोडकर  ,8796241111 यांचेशी संपर्क साधावा.

तसेच दि.21 ते 25 अखेर रांगोळी प्रदर्शन आयोजित करण्यात आले आहे.या बाबत श्री.प्रशांत मुंढेकर सर् यांच्याशी अधिक संपर्क साधावा.

श्री दत्तात्रय तारळेकर 9890913723,श्री. सुनिल महाजन 9422038451,श्री.सतीश बेडके 9604218911, श्री.राजेंद्र भादुले 9881737567, राजीव खलीपे 9890000805,श्री दिलिप म्हेत्रे 9860010101व म.बसवेश्वर जयंती उत्सव समिती,कराड यांनी केले आहे.

साईश आणि इंद्रनील या चिमुकल्यांचा वाढदिवस गोविंद वृद्धाश्रम येथे सामाजिक उपक्रमाने साजरा.

 साईश आणि इंद्रनील या चिमुकल्यांचा वाढदिवस गोविंद वृद्धाश्रम  येथे  सामाजिक उपक्रमाने साजरा.

 साईश आणि इंद्रनील या चिमुकल्यांचा वाढदिवस गोविंद वृद्धाश्रम  येथे  सामाजिक उपक्रमाने साजरा.

                                               

कडेगाव दि १६ :- अंश खलीपे 

रुद्राक्षा फौंडेशनचे संस्थापक अध्यक्ष ॲड.अंश खलिपे यांचे पुतणे चि.साईश खलिपे याचा प्रथम वाढदिवस आणि चि.इंद्रनील खलिपे याचा चौथा वाढदिवस रुद्राक्षा फौंडेशन संचलित अंशजल सामाजिक वाढदिवस या उपक्रमांतर्गत सामाजिक उपक्रमाने साजरा करण्यात आला.

आजच्या कलियुगात वृद्धाश्रमांची संख्या दिवसेंदिवस वाढत चालली आहे. तरुणांना वृद्धांबद्दल आस्था व प्रेम संपत चालले आहे. हे असेच चालू राहिले तर एक वेळ अशी येईल की, घरात मुलांना संस्कार द्यायला आजी-आजोबाच राहणार नाहीत. लहानपणापासूनच मुलांना योग्य संस्कार दिले तर ती मुलं मोठी झाल्यानंतर देखील आपली कर्तव्य विसरत नाहीत. याचाच विचार करत रुद्राक्षा फौंडेशनचे संस्थापक अध्यक्ष ॲड.अंश खलिपे यांनी आपल्या दोन्ही पुतण्यांचे वाढदिवस गोविंद वृद्धाश्रम, येळावी येथील वृद्धांसमवेत केक कापून सर्वांना नाश्ता देऊन साजरा केला. तसेच पोलीस फाट्यावरील ऊसतोड कामगार व त्यांच्या लहान मुलांना खाऊवाटप करून साजरा करण्यात आला.

यावेळी रुद्राक्षा फौंडेशनचे संस्थापक अध्यक्ष ॲड.अंश खलिपे, फौंडेशनच्या सचिव सौ.शोभा खलिपे, गोविंद वृद्धाश्रमाच्या संचालिका सौ. अलका पाटील, शुभंकरोती चॅरिटेबल ट्रस्टचे संस्थापक अमरदीप खलिपे व सचिव श्रीकांत खलिपे यांची प्रमुख उपस्थिती होती.

यावेळी बोलताना सौ.अलका पाटील म्हणाल्या, आजकालच्या पिढीने आपली सामाजिक बांधिलकी ओळखून असे कार्य करणे अत्यंत आवश्यक आहे. रुद्राक्षा फौंडेशनचे अध्यक्ष ॲड.अंश खलिपे यांनी आपल्या दोन्ही पुतण्यांचे वाढदिवस वृद्धाश्रमात येऊन साजरे केले आणि आपली सामाजिक बांधिलकी जपली त्याबद्दल त्यांचे कौतुक करेल तेवढे थोडेच आहे. वृद्धाश्रमातील वृद्धांना कोणत्याही गोष्टीची पैशाची अपेक्षा नसते त्यांना फक्त याकाळात प्रेमाची जास्त गरज असते आणि तेच प्रेम आज संपूर्ण खलिपे कुटुंबीयांनी येथे वृद्धांसमवेत वेळ घालवून, त्यांच्याशी बोलून, त्यांची विचारपूस करून दिलेले आहे. येथून पुढे देखील रुद्राक्षा फौंडेशनचे अध्यक्ष ॲड.अंश खलिपे व त्यांच्या संपूर्ण परिवाराकडून असे कार्य घडत राहो हीच सदिच्छा.

वाढदिवसानिमित्त वृद्धाश्रमातील आजी-आजोबांनी इंद्रनील व साईश यास आशीर्वाद देऊन त्यांच्या उदंड आयुष्यासाठी प्रार्थना केली. यावेळी सौ.पूजा खलिपे, चि.इंद्रनील खलिपे, चि.साईश खलिपे व वृद्धाश्रमातील सर्व आजी आजोबा उपस्थित होते.

लिंगायत समाजातील सर्वांनी हातात हात घालून समाजाच्या प्रगती साठी एकत्र येणे गरजेचे आहे. मंगेशजी चिवटे मुख्यमंत्री वैद्यकीय सहाय्यता कक्ष.

 लिंगायत समाजातील सर्वांनी  हातात हात घालून  समाजाच्या प्रगती साठी  एकत्र येणे गरजेचे आहे. मंगेशजी चिवटे मुख्यमंत्री वैद्यकीय सहाय्यता कक्ष. 

लिंगायत समाजातील सर्वांनी हातात हात घालून समाजाच्या प्रगती साठी एकत्र येणे गरजेचे आहे. मंगेशजी चिवटे मुख्यमंत्री वैद्यकीय सहाय्यता कक्ष. 

कराड दि १६ :- रविंद्र वाकडे

राष्ट्रीय लिंगायत संघ यांचे वतीने सांगली येथे 'बसव रत्न गौरव ' पुरस्कार प्रदान.संपन्न.

 या वेळी बोलताना  मुख्यमंत्री वैद्यकीय सहाय्यता कक्ष चे मंगेशजी चिवटे  म्हणाले की लिंगायत समाजातील सर्वांनी  हातात हात घालून  समाजाच्या प्रगती साठी  एकत्र येणे गरजेचे आहे ,मुख्यमंत्री वैद्यकीय सहाय्यता कक्ष यांच्या माध्यमातून आम्ही गरजू लोकांना  मदत करत आहोत  या मुळे महात्मा जगद्गुरू महात्मा बसवण्णा यांना अभिप्रेत  असणारे समाज कार्य माझ्या हातून घडत आहे हे मी माझे भाग्य समजतो.

 कार्यक्रमाचे अध्यक्ष जिल्ह्याचे पालकमंत्री मा ना सुरेश भाऊ खाडे या वेळी बोलताना म्हणाले कि  महात्मा बसवेश्वर  महाराजांनी 12 शतकात  समाजातील वंचिंत  आनि उपेक्षित घटक 12 बलुतेदार यांना सोबत घेऊन  लिंगायत धर्माची स्थापना  आणि समाजा तील उपेक्षित घटकांना एकत्र आणले अशा या जगद्गुरू महात्मा बसवण्णा  यांच काम हे जगात आदर्श वत आहे , 

असे  कार्यक्रमाचे अध्यक्ष आणि जिल्ह्याचे पालकमंत्री मा ना सुरेश भाऊ खाडे यांनी सांगली येथील राष्ट्रीय लिंगायत  संघ यांच्या वतीने आयोजित बसव रत्न गौरव पुरस्कार सोहळ्यात  केले,  या सोहळ्यात  सामाजिक  क्षेत्रा मध्ये विविध विभागात कार्य करणाऱ्या कार्यकर्त्यांना राष्ट्रीय लिंगायत संघ यांचे वतीने सांगली येथे 'बसव रत्न गौरव ' पुरस्कार देऊन सन्मानित  करण्यात आले.शरण राजशेखर तंबांखे,शरण उमाकांत होनराव ,शरण आनंद कर्णे ,शरण गंगाधर लकडे, राष्ट्रीय बसव दल खोजानवाडी,शरणी राजश्री सावर्डेकर ,शरण रविंद्र वाकडे यांना लिंगायत समाजातील कर्तृत्ववान व्यक्ती सन्मान महाराष्ट्र राज्याचे कामगार मंत्री मा.सुरेशभाऊ खाडे, मा.मुख्यमंत्री वैद्यकीय मदत निधी कक्षाचे प्रमुख मा.मंगेश जी चिवटे,राष्ट्रीय लिंगायत संघाचे संस्थापक अध्यक्ष मा.प्रदिप बापू वाले यांच्या हस्ते पुरस्कार प्रदान करण्यात आला.कार्यक्रमाची सुरुवात महत्मा बसवेश्वर यांच्या प्रतिमेचे पूजन करून करण्यात आली .

राष्ट्रीय लिंगायत संघ , संस्थापक अध्यक्ष प्रदिप बापू वाले समाजास संबोधित केले .या वेळी बसवपीठावर महाराष्ट राज्याचे कामगार मंत्री नामदार सुरेश भाऊ खाडे , मुख्यमंत्री आरोग्य सहायत्ता कक्ष प्रमुख मंगेशजी चिवटे सुमित कदम , अध्यक्ष डॅा विनोद परमशेट्टी , तहसीलदार राजेद्र कुंभार , शिवसेना जिल्हाघ्यक्ष संजय विभुते , जेष्ठ विश्वनाथ मिरजकर , संजय हिरेकर , मिलींद साखरपे , राजशेखर तंबाके , राजेद्र कुंभार , गटनेते मेघना हिंगमिरे , सरिता पट्टणशेट्टी , रूपाली गाडवे , रविंद्र बुकटे , सुरेद्र बोळाज , राजाराम पाटील , कैलाश स्वामी व लिंगायत बांधव उपस्थित होते .

या वेळी शिवसेना वैद्यकीय कक्ष प्रमुख मा विनायाक चिवटे तसेच कार्यक्रमाचे अध्यक्ष मा ना श्री सुरेश (भाऊ) खाडे पालक मंत्री सांगली जिल्हा हे होते .

प्रशस्तीपत्र  या पुरस्काराचे स्वरूप आहे. राष्ट्रीय लिंगायत संघाने या सर्व  समाज बांधवांच्या कार्याची दखल घेवून पुरस्कार सोहळा आयोजित आहे. या बद्दल त्यांचे सर्व स्तरातून अभिनंदन होत आहे.या कार्यक्रमा साठी सातारा आणि सांगली तसेच कोल्हापूर जिल्ह्यातून मोठ्या संख्येने समाज बांधव उपस्थित होते

श्री.रविंद्र वाकडे यांना 'बसव रत्न गौरव ' पुरस्कार प्रदान.

  श्री.रविंद्र वाकडे यांना 'बसव रत्न गौरव ' पुरस्कार प्रदान.

 श्री.रविंद्र वाकडे यांना 'बसव रत्न गौरव ' पुरस्कार प्रदान.

कराड , दि.17 -दिलीप महाजन .

 राष्ट्रीय लिंगायत संघा तर्फे आज सांगली येथे माळी मंगल कार्यालय येथे सकाळी 11 ते दु.2 या वेळेत लिंगायत समाज मेळावा आयोजित करण्यात आला होता.या मेळाव्यात उंब्रज येथील सामाजिक कार्यकर्ते रविंद्र मधुकर वाकडे यांना लिंगायत समाजातील कर्तृत्ववान व्यक्ती सन्मान महाराष्ट्र राज्याचे कामगार मंत्री मा.सुरेशभाऊ खाडे, मा.मुख्यमंत्री वैद्यकीय मदत निधी कक्षाचे प्रमुख मा.मंगेश जी चिवटे,राष्ट्रीय लिंगायत संघाचे संस्थापक अध्यक्ष मा.प्रदिप बापू वाले यांच्या हस्ते पुरस्कार प्रदान करण्यात आला.

प्रशस्तीपत्र  या पुरस्काराचे स्वरूप आहे.या पुरस्काराबद्दल रविंद्र वाकडे म्हणाले की,आपणज्या समाजात जन्माला आलो त्या समाजाचे आपण काहीतरी देण आहोत मग ते आपण कसे देऊ शकतो तर ते फक्त समजा कार्य के तरच   , या साठी सर्वांनी हा विचार मनात ठेवून समाज कार्य करावे कोणतेही कार्य करताना निरपेक्ष भावनेने केले होते.परंतु राष्ट्रीय लिंगायत संघाने या कार्याची दखल घेवून मला जो पुरस्कार बहाल केला आहे.त्यामुळे मला अधिक प्रेरणा मिळाली आहे.या बद्दल त्यांचे सर्व स्तरातून अभिनंदन होत आहे.

महात्मा बसवेश्वरांचा अश्वारूढ पुतळा न हटविण्याच्या मागणीसाठी आमरण उपोषणास बसणार : डॉ. अरविंद भातांब्रे

 महात्मा बसवेश्वरांचा अश्वारूढ पुतळा न हटविण्याच्या मागणीसाठी आमरण उपोषणास बसणार : डॉ. अरविंद भातांब्रे 

महात्मा बसवेश्वरांचा अश्वारूढ पुतळा न हटविण्याच्या मागणीसाठी आमरण उपोषणास बसणार : डॉ. अरविंद भातांब्रे 

                                               

लातूर दि १६  : प्रतिनिधी 

 लातूर शहरातील कव्हा  नाका , महात्मा बसवेश्वर चौकातील जगतज्योती महात्मा बसवेश्वर महाराजांचा अश्वारूढ  पुतळा  हटविण्यात येऊ नये या मागणीसाठी आपण बुधवार, दि. १९ एप्रिल २०२३ पासून  आमरण उपोषणास बसणार असल्याची माहिती  ज्येष्ठ  सामाजिक कार्यकर्ते डॉ. अरविंद भातांब्रे यांनी रविवारी लातुरात पत्रकारांशी बोलताना दिली. 

              डॉ. भातांब्रे यांच्या आमरण उपोषणाच्या पार्श्वभूमीवर आयोजित करण्यात आलेल्या या पत्रकार परिषदेस  कोरनेश्वर स्वामीजी उस्तुरी, संगनबसव स्वामी निलंगा यांचीही प्रमुख उपस्थिती होती. यावेळी आपले मनोगत व्यक्त करताना डॉ. अरविंद भातांब्रे म्हणाले की, महात्मा बसवेश्वरांनी बाराव्या शतकात अनुभव मंटपाच्या माध्यमातून संपूर्ण जगाला पहिली संसद दिली, लोकशाही दाखवून दिली. खऱ्या अर्थाने लोकशाहीचे जनक असणाऱ्या महात्मा बसवेश्वरांचा पुतळा राष्ट्रीय महामार्ग उभारणीच्या कारणावरून हटविण्यात  येणे ही बाब समाजाच्या भावनांना दुखावणारी आहे. हा केवळ लिंगायत समाजच  नव्हे तर संपूर्ण बहुजनांच्या अस्मितेचा प्रश्न आहे. त्यामुळे प्रशासनाने हा पुतळा हटविण्याचा प्रयत्न केल्यास समाज त्याला प्रचंड विरोध करणार आहे. हा पुतळा हटविण्यात येऊ नये,अशी आपली आग्रही मागणी असून प्रशासनाला दि. १८ एप्रिल पर्यंतचा अल्टीमेटमही  दिला आहे. १८ एप्रिलपर्यंत प्रशासनाने हा पुतळा हटविण्यात येणार नाही, अशी लेखी हमी नाही दिल्यास आपण आमरण उपोषणास बसणार असल्याचे डॉ. भातांब्रे यांनी सांगितले. आपल्या या आमरण उपोषणास लिंगायत समाजासह अनेक संघटना, समाजाचाही पाठिंबा असल्याचे त्यांनी स्पष्ट केले. 

कोरनेश्वर  स्वामीजी यांनी यावेळी बोलताना महात्मा बसवेश्वर हे केवळ लिंगायतांचेच नव्हे तर समस्त बहुजन समाजाचे प्रेरणादायी नेतृत्व असून त्यांचा अश्वारूढ पुतळा हटविण्यात येऊ नये ही समाजाची मागणी अत्यंत रास्त आहे. महात्मा बसवेश्वरांच्या अनुयायांच्या भावना दुखावून पुतळा हटविण्याचा विचार योग्य नाही. प्रशासनाने पुतळा हटविण्याच्या निर्णयाबाबत समाजाच्या भावनांचा विचार करून हा पुतळा जैसे थे ठेवण्याचा निर्णय घ्यावा,असे आवाहनही त्यांनी केले. संगनबस्व महाराज यांनी यावेळी आपल्या भावना व्यक्त करताना प्रशासनाला हा पुतळा आहे त्या ठिकाणाहून न हटविण्याची विनंती केली. समस्त लिंगायत आणि बहुजन समाज अत्यंत सहनशील आहे. पुतळा हटविण्याचा निर्णय घेऊन या समाजाला कठोर भूमिका घेण्याची वेळ आणू नये,असे आवाहनही संगनबस्व स्वामी जी यांनी केले. त्याचबरोबर यावेळी लताताई मुद्दे यांनीही आपले विचार व्यक्त केले.  

 याप्रसंगी  बसवराज धाराशिवे, राजाभाऊ राचट्टे, स्मिता ताई खानापुरे, पूजाताई पंचाक्षरी, ओमप्रकाश झुरूळे, बालाजीअप्पा पिंपळे, नितिन मोहनाळे, सचिन हुरदळे, राम स्वामी, रोहित चवळे, ओम धरणे, संकेत उटगे , नरेश पेद्दे , राहुल नारगुंडे , गणेश हेरकर, ऋषी झुंजे, बसवराज रेकूळगे , विजय शेटे , सतीश पानगावे, संजय बावगे, सुनील ताडमाडगे, नितीन नारगुंडे, संतोष सुलगुडले, सोनू डगवाले आदी मान्यवरांची उपस्थिती होती.