म.बसवेश्वर महामंडळाला स्वायत्त दर्जा बहाल.मा.ओमप्रकाश तथा काका कोयटे.
म.बसवेश्वर महामंडळाला स्वायत्त दर्जा बहाल.मा.ओमप्रकाश तथा काका कोयटे.
सातारा, दि.9 - रवींद्र वाकडे
लिंगायत संघर्ष समिती व वीरशैव इंटरनॅशनल असोसिएशनच्या मागणीप्रमाणे जगत ज्योती महात्मा बसवेश्वर महामंडळाला स्वायत्त दर्जा देण्याचा निर्णय महाराष्ट्र राज्य मंत्रिमंडळाने कालच्या कॅबिनेटच्या बैठकीत घेतला असल्याची माहिती वीरशैव इंटरनॅशनल असोसिएशनचे अध्यक्ष मा.ओमप्रकाश दादाप्पा तथा काका कोयटे, लिंगायत संघर्ष समितीचे अध्यक्ष मा.सुनीलशेठ रुकारी, कार्याध्यक्षा मा.सरलाताई पाटील यांनी सांगितले.
महात्मा बसवेश्वर महामंडळाला स्वायत्त दर्जा मिळाल्यामुळे आता वीरशैव लिंगायत समाजातील सरसकट सर्वच पोटजातींना या महामंडळाचा लाभ मिळणार आहे. विशेषत: शैक्षणिक, व्यावसायिक कर्जासाठी सर्व पोटजातींना या महामंडळाचा लाभ होणार असल्याची माहिती व्हायाचे युवा आघाडीचे अध्यक्ष मा.प्रदीपजी साखरे, लिंगायत संघर्ष समितीचे महासचिव मा.भगवान कोठावळे यांनी दिली.
हा स्वायत्त दर्जा मिळण्याची मागणी मा.हसन मुश्रीफ साहेब यांच्याकडे लिंगायत संघर्ष समितीच्या कार्याध्यक्षा मा.सरलाताई पाटील आणि मा.बसवराज वंजारी यांनी केली होती. त्यामुळे मा. मंत्री महोदय हसन मुश्रीफ साहेब यांचे व महाराष्ट्र शासनाचे वीरशैव लिंगायत समाज बांधवांकडून आभार मानण्यात येत आहेत.
No comments:
Post a Comment