वीरशैव इंटरनॅशनल असोसिएशन (व्हाया)ने कर्नाटकात यशस्वी केली, ग्लोबल बिझनेस समिट .
वीरशैव इंटरनॅशनल असोसिएशन (व्हाया)ने कर्नाटकात यशस्वी केली, ग्लोबल बिझनेस समिट .
सातारा, दि.27 -
वीरशैव इंटरनॅशनल असोसिएशन (VIA) व ILYF ने कर्नाटक राज्यात बेंगलोर येथे आयोजित केलेल्या ऐतिहासिक अशा वीरशैव लिंगायत बिझनेस कॉनक्लेव्ह 2023 यशस्वी करून एक वेगळाच विक्रम करून दाखवला आहे.
कर्नाटकचे मुख्यमंत्री बसवराज बोम्मई, माजी मुख्यमंत्री बी. एस. येडुयुरप्पाजी, केंद्रीय मंत्री भगवंत खुबा, वीरशैव इंटरनॅशनल असोसिएशन चे अध्यक्ष लिंगायत लोकनेते मा. काकासाहेब कोयटे, मंत्री मुरुगेश निरानी, बी. सी. पाटीलजी, तसेच अनेक मंत्री, आमदार ,VSNA अमेरिका चे हिरेमठजी , या भव्यदिव्य कार्यक्रमाचे वर्किंग कमिटी मेंबर व ' व्हाया ' जनरल सेक्रेटरी गुड्डिमठ साहेब, वर्किंग कमिटी मेंबर व 'व्हाया ' युथ प्रेसिडेंट प्रदीप साखरे, महाराष्ट्र तसेच कर्नाटक, आंध्र प्रदेश,केरळ येथून आलेले उद्योजक, व्यापारी यांच्या प्रमुख उपस्थितीत तीन दिवस चाललेल्या या यशस्वी कार्यक्रमाला जवळपास एक लाख वीस हजार लोकांनी भेट दिली.
यावेळी अनेक सुशिक्षित बेरोजगारांना रोजगाराची संधी उपलब्ध करण्यासाठी नोकरी मेळावा आयोजित केला गेला होता. त्यात सुमारे 8500 तरुण - तरुणी सहभागी झाले होते. त्यातून 1700 पात्र वीरशैव लिंगायत बेरोजगारांना जागेवर नोकरीचे अपॉईंटमेंट लेटर देण्यात आले. अशा प्रकारे या ऐतिहासिक कार्यक्रमाचे आयोजन व नियोजन वीरशैव इंटरनॅशनल असोसिएशन (व्हाया )च्या माध्यमातून महाराष्ट्राबाहेर कर्नाटकात पण यशस्वी झाले.**
No comments:
Post a Comment