प्रति सरकारचा खंदा समर्थक जेष्ठ स्वातंत्र्य सैनिक व क्रांतिकारक स्मृतीशेष बाबुराव जंगम गुरुजी यांना त्यांच्या 98 व्या जयंती निमित्त विनम्र अभिवादन .
प्रति सरकारचा खंदा समर्थक जेष्ठ स्वातंत्र्य सैनिक व क्रांतिकारक स्मृतीशेष बाबुराव जंगम गुरुजी यांना त्यांच्या 98 व्या जयंती निमित्त विनम्र अभिवादन .
सातारा, दि.2 - रविंद्र वाकडे.
सातारा येथील पोलिस मुख्यालयातून हाकेच्याच अंतरावर असलेल्या डीएसपी गिल्बर्ट व पोलिसांचा डोळा चुकवून सन १९४३ ला एके दिवशी रात्री ९ च्या सुमारास आपण स्वतः व आपले सहकारी संपत जगदाळे , ज्ञानु गुरव, आणि सुंदरसिंग यांनी मिळून सातारा पोलिस मुख्यालयातून तीन बंदूका पळवल्या व त्यानंतर मागे वळून न पाहता स्वातंत्र्य चळवळीत भूमिगत राहुन काम केले. या सगळ्या आठवणी सांगताना फक्त ऐकतच राहाव्यात त्या जेष्ठ स्वातंत्र्यसैनिक व प्रतीसरकारच्या कुमठे गटाचे प्रमुख आदरणीय बाबुराव जंगम गुरुजी यांच्याकडूनच. अशा जंगम गुरुजी यांची आज जयंती.
मृत्यूच्या आधी काही दिवसापर्यंत स्वातंत्र्य चळवळीतील आठवणी सांगताना गुरुजी त्या आठवणीत मनापासून रमत असतं. .
१९४२ मध्ये सातारा येथील न्यू ईंग्लिश स्कूल मध्ये शिकत असताना ९ ऑगस्ट १९४२ च्या चलेजाव घोषणेनंतर जनआंदोलनात सर्व विद्यार्थी वर्गाने उठाव केला . त्यातही जंगम गुरुजी यांनी विशेष भाग घेतला. पोलीसांनी पकडले व नंतर सोडून दिले. वयाच्या सोळाव्या वर्षी कुमठे येथे भूमिगत चळवळीत कोरेगाव - पंढरपूर रस्त्यावर तारा तोडल्या. तात्या बोराटे यांच्या मार्गदर्शनाखाली प्रतिसरकारच्या चळवळीत खूप काम आदरणीय जंगम गुरुजी यांनी केले. सन १९४५ मध्ये मुंबई ला जावून ' राष्ट्र सेवा दलाच्या ' शाखाही चालवल्या. प्रौढ शिक्षण वर्ग चालवले. सन १९४६ ला वॉरंट रद्द झाले. भूमिगत प्रगट झाले. त्यावेळेपासू न गुरुजींनी डावा समाजवादी व त्यानंतर राष्ट्रीय काँग्रेस पक्षाचे कार्य केले. सातारा जिल्हा स्वातंत्र्य सैनिक संघटनेचे गुरुजी निधन होईपर्यंत सेक्रेटरी होते.
गुरुजींच्या निधनापूर्वी काही महिने गुरुजींना ' स्पेस मेकर ' बसवला. डॉक्टरांनी त्यांना विश्रांतीचा सल्ला दिला .तरी पण गुरुजी घरी सुध्दा माणसात राहणेच पसंद करत.
अशा क्रांतिकारक गुरुजींना व त्यांच्या देशप्रेमी कार्यास विनम्र अभिवादन व लाल बावटा सलाम .
No comments:
Post a Comment