डॉ.श्रीकांत शिंदे फाउंडेशनच्या माध्यमातून रत्नागिरीमध्ये 100 बालकांवर मोफत हदय शस्त्रक्रिया
रत्नागिरीतील आरोग्य शिबिराचे उद्योगमंत्री ना.उदयजी सामंतांच्या हस्ते उद्घाटन
डॉ.श्रीकांत शिंदे फाउंडेशनच्या माध्यमातून रत्नागिरीमध्ये 100 बालकांवर मोफत हदय शस्त्रक्रिया
रत्नागिरीतील आरोग्य शिबिराचे उद्योगमंत्री ना.उदयजी सामंतांच्या हस्ते उद्घाटन
सातारा दि .19 :- प्रा .अजय शेटे
शिवसेना वैद्यकीय मदत कक्ष, डॉ.श्रीकांत शिंदे फाउंडेशन व वाडिया हॉस्पिटल, मुंबई यांच्या संयुक्त विद्यमाने काल व आज दोन दिवस लहान बालकांच्या हृदयाच्या छिद्रांच्या शस्त्रक्रियांचे महाआरोग्य शिबिर रत्नागिरी येथे जिल्हा सामान्य रुग्णालयात आयोजित करण्यात आले होते.
---------–---------------///-/------------------
मुख्यमंत्र्यांच्या नावे वैद्यकीय सेवेतील कामाचा जागतिक विक्रम होवू शकतो व याच असंख्य रुग्णांच्या आशिर्वादानेच त्यांना चोवीस तास काम करण्याची ऊर्जा मिळते- ना.उदय सामंत
---------------------------------------------------
या कार्यक्रमासाठी महाराष्ट्र राज्याचे उद्योग मंत्री तथा रत्नागिरी मतदारसंघाचे भूमिपुत्र ना.उदयजी सामंत साहेब यांची प्रमुख उपस्थिती होती. तसेच मुख्यमंत्री महोदयांचे विशेष कार्यकारी अधिकारी मंगेश चिवटे यांच्यासह प्रशासनातील विविध अधिकारी, वाडिया हॉस्पिटलचा समूह व वैद्यकीय मदत कक्षाचा संपूर्ण समूह यावेळी उपस्थित होता. यापूर्वी अशा प्रकारे लहान बालकांच्या हृदय शस्त्रक्रिया मोफत करण्याचे शिबिर मुख्यमंत्री ना.शिंदे साहेबांच्या मार्गदर्शनाखाली ठाण्यामध्ये झाले होते. त्यानंतर द्वितीय वेळेला ते ना.सामंत साहेबांच्या आग्रहाखातर रत्नागिरीमध्ये पार पडले. यापुढे देखील अशा प्रकारच्या आरोग्य शिबिरांमध्ये खंड पडू देऊ नका, हे देखील मंत्री महोदयांनी आवर्जून सांगितले. ठाण्यामध्ये ज्याप्रमाणे धर्मवीर आनंद दिघे हार्ट केअर सेंटर व मातोश्री गंगुबाई संभाजी शिंदे हॉस्पिटल ही दोन्ही रुग्णालय नो कॅश काऊंटर झालेली आहेत. त्याप्रमाणे नो कॅश काऊंटर असलेलं रुग्णालय देखील पुढच्या दोन महिन्यात आम्ही रत्नागिरीमध्ये सुरु करु असा शब्द मंत्री महोदयांनी दिला. मुख्यमंत्री ना.एकनाथ शिंदे साहेबांनी जात,पंथ,पक्ष सर्वकाही बाजूला ठेवून आरोग्य क्षेत्रामध्ये प्रचंड मोठं कार्य महाराष्ट्रात आणि महाराष्ट्राबाहेर देखील उभं केलेलं आहे.
त्यामुळे हा नेता सर्वसामान्यांना आपलासा वाटतो आहे. हीच आमची ताकद आहे. ना.शिंदे साहेबांच्या वैद्यकीय क्षेत्रातील कामाचा जागतिक विक्रम होवू शकतो व हीच ऊर्जा त्यांना 24 तास काम करण्यासाठी पुरेशी ठरते असे देखील ना.सामंतांनी आवर्जून नमूद केले. वैद्यकीय क्षेत्रातील आर्थिक अडचणींमुळे अनेकांची संसार उध्वस्त झालेली अनेक उदाहरणे आहेत. परंतु त्यांना मदत करणाऱ्यांची संख्या मात्र तुरळक आहे, हे वास्तव आहे. मात्र शिवसेना वैद्यकीय मदत कक्ष सेवा परमो धर्म: या वृत्तीने सर्वार्थाने कार्य करतो आहे, ही आनंदाची बाब आहे. मंगेश चिवटे हे माझे जवळचे मित्र आहेत. त्यांच्या वैद्यकीय सेवेचा देखील आम्हाला अभिमान आहे. रत्नागिरी हे मुख्यमंत्री महोदयांचे आवडते ठिकाण आहे. यामुळे रत्नागिरीच्या सर्वांगीण विकासाकरिता मुख्यमंत्री महोदयांच्या माध्यमातून जे जे शक्य होईल ते ते सर्व करण्याचा आम्ही प्रयत्न प्रामाणिकपणे करणार आहोत हे देखील ना. सामंत साहेबांनी जाहीर केले.
प्रास्ताविक करत असताना मुख्यमंत्री वैद्यकीय सहाय्यता कक्षाचे प्रमुख तथा विशेष कार्यकारी अधिकारी मंगेश चिवटे यांनी ना.शिंदे साहेब व ना.सामंत साहेब यांची मैत्री कशाप्रकारे आहे हे स्पष्ट केले. विविध सामाजिक संस्थांचे संचालक या कार्यक्रमाला आवर्जून उपस्थित होते. जनहितास्तव शासनाकडून त्यांच्या काही अपेक्षा होत्या. त्या अपेक्षांचा सकारात्मक पद्धतीने विचार करत लवकरात लवकर ती सर्व कामे मुख्यमंत्री महोदयांच्या माध्यमातून व ना.सामंत साहेबांच्या मार्गदर्शनाखाली पूर्ण केले जातील असे देखील चिवटे यांनी अश्वस्त केले. कार्यक्रमाच्या उत्तम नियोजन - आयोजनासाठी अधिका-यांनी खूप मेहनत घेतली. याबद्दल त्यांचे देखील विशेष अभिनंदन मान्यवरांनी केले.
No comments:
Post a Comment