डॉ.अशोक नगरकर यांना उच्च ऊर्जा स्त्रोत प्रणाली विकास व सुरक्षा पुरस्कार प्राप्त
सातारा, दि.27 - प्रा.अजय शेटे. प्रतिनिधी
डी. आर .डी. ओ, ( सुरक्षा संशोधन विकास संस्था ) पुणे या संस्थेचे वरिष्ठ शास्त्रज्ञ डॉ.अशोक गोविंद नगरकर यांना राष्ट्रीय उच्च ऊर्जा स्त्रोत प्रणाली विकसन व सुरक्षा कार्यक्रमांतर्गत देण्यात येणारा अतिशय मानाचा असा ' उच्च ऊर्जा विकास व सुरक्षा ' पुरस्कार देवून नुकतेच ' संरक्षक व भेदक क्षेपणास्त्र संशोधन प्रयोगशाळा , ' डी.आर डी. ओ. चंदिगढ - पंचकुला येथील कार्यक्रमात गौरविण्यात आले आहे.
हा पुरस्कार राष्ट्रीय स्वरूपाचा असून भारतीय केंद्र शासनाच्या सहकार्याने प्रदान करण्यात येतो.प्रशस्तीपत्र,ट्रॉफी व इतर लाभ असे या पुरस्काराचे स्वरूप असून उपस्थित सर्व मान्यवर वरिष्ठ शास्त्रज्ञ यांच्या हस्ते तो प्रदान करण्यात आला.
या कार्यक्रमासाठी बहिस्थ शास्त्रज्ञ मार्गदर्शक तसेच उच्च ऊर्जा स्त्रोत संशोधन व शिक्षण विभाग डी आर डी ओ चे वरिष्ठ शास्त्रज्ञ मा. के पी एस मूर्ती, टी बी आर एल , डी आर डी ओ चे वरिष्ठ संचालक मा.प्रतीक किशोर, सर्वसाधरण क्षेपणास्त्र प्रणाली चे वरिष्ठ संचालक मा.डॉ.नारायण मूर्ती,सतीश धवन अंतरिक्ष व अंतराळ संशोधन केंद्र , इस्त्रो चे वरिष्ठ संचालक मा.राजा राजन तसेच आर्मामेंट क्लस्टर , डी. आर, डी. ओ .चे वरिष्ठ संचालक मा.पी. के.मेहता साहेब इत्यादी मान्यवर उपस्थित होते.
डॉ.अशोक गोविंद नगरकर यांना हा श्रेष्ठ पुरस्कार प्राप्त झाल्याबद्दल वीरशैव इंटरनॅशनल,लिंगायत संघर्ष समिती,वीरशैव लिंगायत समाज संघटना व लिंगायत टिव्ही यांच्या तर्फे त्यांचे हार्दिक अभिनंदन व त्यांच्या भावी कार्यास हार्दिक शुभेच्छा,हार्दिक शुभेच्छा.
No comments:
Post a Comment