शिवयोगिनी अक्कमहादेवी जयंती दिनी सातारा येथे ज्येष्ठ माता भगिनींचा सत्कार

 शिवयोगिनी अक्कमहादेवी जयंती दिनी सातारा येथे ज्येष्ठ माता भगिनींचा सत्कार 

सातारा , दि. 26 - प्रा.अजय शेटे. प्रतिनिधी

 लिंगायत शिव योगीनी श्री अक्कमहादेवी यांच्या जन्मदिनी सातारा येथील प.पू.औंधकर महाराज मठात सातारा वीरशैव लिंगायत समाज, म.बसवेश्वर सामाजिक सेवा मंडळ व वीरशैव लिंगायत महिला भजनी मंडळ यांच्या वतीने समाजातील 75 वर्षांवरील 16 ज्येष्ठ माता भगिनींचा सत्कार करण्यात आला.

या सोहळ्यात शरणी नंदाताई चिंचकर,सावित्रीबाई कळसकर,

मालतीताई टोपे,शारदा देवर्षी, महादेवी तोडकर,विमलताई तोडकर,पुष्पाताई होनराव,शशिकला गुर साळे,शकुंतला बाई साखरे, शशिताई वांकर, कमलकाकू बारवडे,गोदावरीताई वाघोली कर,पद्माताई कवाडे, स्वप्नजा भांदुर्गे आदींचा शाल,श्रीफळ देवून गौरव करण्यात आला.

     या सत्कार सोहळ्यात 'श्री अक्कम हा देवी यांचे जीवन चरित्र ' या विषयावर निर्मला ताई बारवडे,महादेवी तोडकर,शशिकलाताई वांकर यांनी प्रवचन केले,

म.बसवेश्वर सामाजिक  सेवा मंडळाचे अध्यक्ष सागर कस्तुरे यांनी या उपक्रमाचे खूप कौतुक केले.कार्यक्रम यशस्वी करण्यासाठी श्रीनिवास कामळे,ज्येष्ठ मार्गदर्शक भारत शेठ बारवडे,महादेव मेंडीगिरी देसाई, सिद्धराज शेटे, नंदुशेठ गुरसाळे यांनी प्रयत्न केले.