विरोधकांना कोलांटउड्या मारणारांच्या खांद्यावर बंदुक ठेवण्याची वेळ
यु टी जाधव चेअरमन सां जि प्राथ. शिक्षक बँक
सांगली दि 2 :- प्रतिनिधी
उमेश पाटील
सांगली जिल्हा प्राथमिक शिक्षक बँकेच्या विरोधी नेते व संचालकांचे खोटे बोल पण रेटून बोल हा फंडा वारंवार उघड होत असल्याने त्यांच्यावरील सभासदांमधील विश्वासाहार्यता कमी होऊ लागल्याने त्यांनी आता इतर संघटनांतून कोलांटउड्या मारून शिक्षक बँकेवर संचालक होण्याचे स्वप्न बाळगणाऱ्या कार्यकर्त्यांच्या खांद्यावर बंदुक ठेऊन हवेत बार काढण्याचे तंत्र अवलंबले आहे.
परंतु शिक्षक बँकेचे सभासद सुज्ञ व जागरूक आहेत. त्यांना हिताचा कारभार करणारी व सभासदांच्या उन्नतीबरोबर समाजात कामधेनूची उंची वाढविण्याचे काम शिक्षक समितीच करू शकते. हा विश्वास सार्थ ठरल्याने सत्तेसाठी वाट्टेल ते बिनबुडाचे आरोप करणाऱ्या विरोधी सक्रिय टोळीचा बंदोबस्त त्यांच्या कर्मानेच होणार आहे.
सर्व कर्जावरील व्याजदर टप्प्या टप्प्याने कमी करणे, टप्प्या टप्प्याने डिव्हीडंट वाढविणे, दुर्दैवी शिक्षक सभासदांच्या कुटुंबास वरदायणी ठरलेली मृत संजीवनी योजना, वैद्यकीय मदत, एटीएम, आरटीजीएस, एन ई एफ टी, कोअर बँकिंग प्रणाली, असे अनेक निर्णय घेण्यात आम्ही यशस्वी झाल्याने
सामान्य सभासदात, जनमानसात , व सांगलीसह सोलापूर जिल्ह्यात सांगली शिक्षक बँकेची प्रतिमा कामधेनू म्हणून उंचावली आहे. त्याचा सार्थ अभिमान आमच्यासह जिल्ह्यातील सभासदांना आहे.त्यामुळेच राज्यातील अनेक जिल्हयातून सांगली शिक्षक बँकेचे स्वागत करण्यासाठी प्राथमिक शिक्षक बांधव आसुसलेले आहेत.
ज्यांनी नेहमीच शिक्षक बँकेवर शिंतोडे उडवण्यासह ,सोलापूरकर सभासदांचा द्वेष केला तेच आता मताच्या जोगव्यासाठी पायघड्या घालू लागले आहेत. परंतु तुमची आजपर्यंतची रणनीती त्यांनी ओळखली असुन योग्य वेळेची वाट पाहात आहेत.
त्यामुळे सांगली जिल्हयातील विरोधी गटात बेडुक उड्या मारून सामील झालेल्या व गुडघ्याला बाशिंग बांधलेल्यांनी जरा सबुरीने घ्यावे व तुमच्या संचालक व नेतेमंडळींना तोंड उघडायला सांगावे. आम्हाला केले जाणारे सवाल त्यांनाच करा तुम्हाला तेच उत्तर देतील.विनाकारण तुमचे खांद्ये झिजवु नका.
यावेळी राज्यनेते विश्वनाथ मिरजकर, माजी राज्य कोषाध्यक्ष किरणराव गायकवाड, राज्य संघटक सयाजीराव पाटील, पार्लमेंटरी बोर्ड अध्यक्ष किसनराव पाटील, पार्लमेंटरी बोर्ड सचिव शशिकांत भागवत, जिल्हाध्यक्ष बाबासाहेब लाड, सरचिटणीस दयानंद मोरे, व्हा . चेअरमन राजाराम सावंत, तुकाराम गायकवाड, शशिकांत बजबळे, रमेश पाटील, सुनिल गुरव, महादेव माळी, शिवाजी पवार, श्रेणिक चौगुले, अर्चना कोळेकर, सदाशिव पाटील, श्रीकांत माळी, हरिबा गावडे, बाळासो आडके आदी संचालक उपस्थित होते.
No comments:
Post a Comment